Младите македонски ракометари до 20 години се претставија во одлично издание на Европското првенство. Избраниците на селекторот Раде Стојановиќ забележаа четири победи, две ремија и само еден пораз завршувајќи го настапот на деветтата позиција пред селекции како Франција, Хрватска, Унгарија, Србија…
Ракометната федерација на Македонија реши да ги награди со премија од еден милион денари.
„Почитувани, ве известуваме дека Управниот одбор на Ракометната федерација на Македонија, согласно Член 35, 59 и 60 од Статутот поради итност на донесување на одлука согласно Член 3 точка 11 ‘Одлука без присуство’ од Законот за здружение и фондации (Сл. весник на РМ бр. 52 од 16.04.2010 год.) на ден 22.07.2024 година донесе одлука за доделување парична награда. Управниот Одбор на РФМ одреди парична награда во вкупна вредност од 1.000.000,00 денари за машката младинска ракометна репрезентација (стручен штаб и ракометари родени 2004 и помлади), за освојување на деветтото место на Men’s 20 EHF EURO 2024 шампионатот во Словенија. Со почит, Ракометна федерација на Македонија“, соопштија од РФМ.
