Рио Фердинанд, клупската легенда на Манчестер јунајтед, вели дека го разбира Кристијано Роналдо и неговата желба да замине од клубот само по една година од враќањето на „Олд Трафорд“.
Роналдо е навикнат да освојува трофеи, да се натпреварува против најголемите клубови, тие амбиции не може да ги оствари со овој тим на Јунајтед.
„Нормално е што Кристијано Роналдо не е среќен во Манчестер, и јас не би бил во ваква ситуација. Се чудам како луѓето се изненадени што сака да си замине, па уште креваат толкава прашина околу тоа. Не се работи за кој било играч, туку за Кристијано. Цела кариера ја мина во клубови со кои се бореше и ги освојуваше најголемите титули. Во тим кој е далеку од конкурентен за трофеи, дојде играч кој е навикнат да победува. Проба да помогне и виде дека не може да си ги исполни амбициите доколку остане во Јунајтед, нормално дека ќе бара трансфер“, истакна Фердинанд.
