Напаѓачот на Тотенхем, Ришарлисон, има можност да се врати во родниот Бразил бидејќи за него постои интерес од два клуба од Рио де Жанеиро.
Фламенго е подготвен да понуди 20 милиони евра за неговиот трансфер, додека се шпекулира дека интерес покажува и Флуминенсе, клубот каде што Ришарлисон настапуваше на почетокот од својата кариера.
Сепак, договорот засега е далеку од реализација бидејќи Тотенхем бара двојно повисок износ како отштета, а и самиот играч, наводно, повеќе би сакал да остане во Лондон и да се избори за место во тимот.
Ришарлисон оваа сезона пропушти дури 11 натпревари во Премиер лигата поради повреда на тетивата. Инаку, Тотенхем го ангажира од Евертон пред две и пол години за огромни 58,5 милиони евра.
