Македонската фудбалска репрезентација слета во Тбилиси, каде што ќе го одигра мечот од Лигата на нациите против Грузија. Времето во главниот град на оваа земја е за повеќе од десеттина степени потопло од Скопје, а нашите репрезентативци, како и секогаш, имаат одлична тимска атмосфера.
Експедицијата веднаш се упати кон хотелот, каде што следува задолжителен одмор, а првиот тренинг ќе го имаат утре, додека натпреварот против Грузија е закажан за в петок од 18 часот.
