Борко Ристовски бранеше како во своите најдобри денови. Голманот имаше дури 20 одбрани и секако беше еден од најзаслужните за победата против Јапонија. Борко знае дека на следниот меч против Бахреин сме фаворити, но мора да се биде внимателни.
„Не беше така лесно како што изгледа. Јапонија е доста незгоден противник, ни направија доста проблеми во одбраната. Од 28 гола колку што примивме сигурно барем 15 беа од брз центар или од контра напади, што покажува дека се екстремно брзи. Сепак, треба да сме задоволни. Играме со седум играчи. Ова е прв меч, но како ќе одминува првенството ќе бидеме се поуморни. Затоа мора да бидеме ефикасни во првото полувреме против Бахреин, за да може ние поискусните да одмориме, а помладите да стекнат искуство. Прифаќаме дека сме фаворити со Бахреин, но одиме чекор по чекор. Мора да бидеме претпазливи “, рече голманот Ристовски.
