Капитенот на Македонија, Стефан Ристовски, не крие дека целта на нашата репрезентација е да победи против Малта во Скопје. Ристовски верува дека триумф над Малта и старт со три бода во една од најтешките групи од квалификациите за ЕП 2024 година ќе биде само мотив повеќе за следните средби.
„Имаме една од потешките групи во квалификациите. Селекција која нема голем избор на играчи. Мило ми е што сме сите на располагање и низ целиот квалификациски циклус да бидеме подготвени. Доволно сме заедно, доволно сме искусни, доволно се знаеме. Исклучително големи селекции, имаме ривали кои може да конкурираат. Имаме добар распоред, одиме чекор по чекор. Утре да отвориме како што сакаме, да добиеме ветер во грб за следните дуели. Да отвориме со победа, тоа е најважно“, рече Ристовски на прес-конференцијата.
