Спортинг Лисабон ќе игра меч за титулата во Лига купот на Португалија откако вечерва на пенали ја елиминира Брага. Во вистинска драма, „лавовите“ беа подобри пеналџии и победија со 4-3 по ударите од белата точка.
Во регуларниот дел беше 1-1, па веднаш се шутираа пенали. Двете екипи почнаа со по три утки во четири серии, а потоа поуспешни беа гостите.
Стефан Ристовски го одигра целиот меч, беше и прецизен во шестата серија, потоа погоди и Џеферсон за Спортинг, а за Брага утна Рикардо, со што им донесе голема радост на играчите од Лисабон.
Во регуларниот дел Соуса во третата минута ѝ донесе предност на Брага, а израмни Коатес во 37-мата минута. До крајот немаше голови, па пенал-рулетот го одлучи вториот финалист во Лига купот.
Вчера Порто ја победи Бенфика со 3-1 и ќе игра со Спортинг за титулата.