Шпанскиот репрезентативец Родриго Ернандес Касканте, или попознат само како Родри го продолжи договорот со актуелниот првак на Англија, Манчестер сити до 2027 година.
Родри не се двоумеше многу и ја прифати понудата на клубот за кој вели дека му овозможил многу да напредува.
„Доаѓањето во Манчестер сити во 2019 година е најдобриот мој потег во кариерата. Се чувствувам прекрасно, ја сакам секоја секунда мината во клубот и среќен сум што ја продолживме соработката“, изјави Родри.
Играчот од средниот ред брзо се снајде во таборот на шампионот и одигра 151 натпревар во трите сезони, а стана и стандарден шпански репрезентативец со 33 настапи.
