Раководството на Ролан Гарос објави дека ќе му оддаде посебна почест на живата легенда на овој гренслем турнир, Рафаел Надал, на првиот ден од годинашното натпреварување.
„Тоа ќе биде церемонија полна со изненадувања“, изјави директорката на турнирот, Амели Морезмо.
Церемонијата ќе се одржи на теренот „Филип Шатрие“ по првите три дневни меча.
👋🏼 See you soon, Paris ☺️ https://t.co/oP30tDrm4a
— Rafa Nadal (@RafaelNadal) April 17, 2025
Надал последен пат настапи во Париз на 29 јули 2024 година, кога загуби од Новак Ѓоковиќ во второто коло на Олимписките игри.
Тој е рекордер на вториот гренслем турнир во сезоната со неверојатни 14 освоени трофеи. На влезот на Ролан Гарос има негова статуа.
Надал официјално се повлече од тенисот на завршниот турнир од Дејвис купот, минатиот ноември на стадионот „Мартин Карпена“ во Малага.
