Екипата на Рома го има најлошиот старт во клупската историја откако освои само пет бода во првите шест меча во Серија А. Со еден ваков старт, Римската волчица сега е на 16 место на табелата и е многу блиску до зоната за испаѓање.
Во ситуација кога резултатите се очајни, секогаш прв на удар е тренерот, но кога се работи за Жозе Мурињо, Португалецот е речиси сигурен дека ќе остане на „Олимпико“. Причина поради која Мурињо може да биде сигурен дека нема да си замине предвреме е договорот кој го има потпишано, а тоа е дека ако Португалецот добие отказ, клубот ќе треба да му исплати неверојатни 15 милиони евра.
Рома ќе има шанси утре на својот „Олимпико“ да се поправи и сигурно ќе атакува на трите бода во дуелот против Фросиноне.
