Хенкрих Мхитарјан и официјално го оствари перманентниот ангажман во Рома по раскинувањето на договорот со Арсенал. Топчиите спогодбено го ослободија Ерменецот и му ја исполнија желбата да остане во редовите на Римската волчица, каде што минатата сезона играше како позајмен играч.
Мхитарјан во меѓувреме не се најде на списокот кај селекторот на Ерменија, Хоакин Капарос, за дуелот против Македонија од Сегментот Ц во Лигата на нациите, што е добра вест за нашиот национален состав.
