Рома победи на гости кај Верона со 3:1 во меч со многу возбудувања. Давидович погоди во 27-мата минута за водство на Верона од 1:0, а девет минути подоцна токму стрелецот на голот заработи директен црвен картон поради брутален старт кој можете да го видите ТУКА.
Римската волчица доби играч плус на теренот и тимот на Жозе Мурињо тоа успеа да го искористи. Во 45+1 минута од првиот дел, Заниоло израмни на 1:1, резултат кој беше активен до самиот финиш на средбата.
Во 88-мата минута Волпато донесе голема радост за гостите со погодокот за водство од 2:1 за Рома. Во судиското надополнување Ел Шарави го потврди триумфот на гостите за конечни 3:1.
