Екипите на Рома и Фиорентина одиграа нерешено, 1-1, на последниот денешен натпревар од италијанската Серија А. Двете екипи се во борба за што е можно повисок пласман и за четвртата позиција, која води во групите на Лигата на шампионите.
Римската волчица дојде во водство уште во петтата минута преку Ромелу Лукаку.
Следуваше црвен картон за Зелевски во 64-тата, а само две минути подоцна Фиорентина израмни на 1-1 преку Мартинес. До крајот на мечот Рома остана со уште еден играч помалку на теренот откако Лукаку беше исклучен во 87-мата минута.
Сепак, иако со двајца играчи помалку во финишот, избраниците на Жозе Мурињо успеаја да го сочуваат својот гол и со реми да ја задржат четвртата позиција на табелата.
