Италијанскиот калчолигаш Рома се намачи, но на крајот успеа да обезбеди место во четвртфиналето од Конференциската лига на УЕФА. Римската волчица на свој терен одигра 1:1 против Витесе и благодарение на победата од 1:0 во првата средба на гости, тимот од главниот град на Италија е во следната фаза.
Рома беше голем фаворит во овој двомеч, но Витесе изненадувачки поведе на „Олимпико“ со голот на Витек во 62-рата минута. Со овој гол, холандскиот тим всушност стигна до вкупни 1:1. Кога се очекуваше дека мечот ќе заврши со 0:1 по 90 минути и дека ќе мора да се играат дополнителни 30 минути, се случи голема радост за домаќините.
Тами Абрахам со гол во 90-тата минута донесе 1:1 за Рома и го спаси тренерот Жозе Мурињо и неговите соиграчи од можна елиминација во Конференциската лига.
Резултати од денешните мечеви во Конференциската лига: АЗ Алкмар – Бодо/Глимт 2:1, Базел – Марсеј 1:2, Копенхаген – ПСВ 0:4, Рен – Лестер 2:1, Феенорд – Партизан 3:1, Гент – ПАОК 1:2, ЛАСК – Славија Прага 4:3.
Во четвртфиналето на Конференциската лига ќе играат: Бодо/Глимт, Марсеј, ПСВ, Лестер, Рома, Феенорд, ПАОК и Славија Прага.
