Италијанскиот калчолигаш Рома обезбеди предност од 2-1 против Атлетик Билбао во првиот осминафинален натпревар од Лигата на Европа кој се одигра на „Олимпико“. Рома дојде до триумф со голот на Елдур Шомуродов постигнат во 94-та минута од дуелот. Атлетик Билбао поведе со голот на Ињаки Вилијамс од пенал во 50-та минута, а израмни Анхелињо само шест минути подоцна.
Ајнтрахт Франкфурт со 1-2 го победи Ајакс во Амстердам. Броби во десеттата минута обезбеди водство за Ајакс, но Ајнтрахт одговори преку Ларсон во 28-та минута и Шкири во 70-та минута.
Лацио со деветмина успеа да го победи Плзењ на гости со 1-2. Стрелец на победничкиот гол беше Исаксен во 98-та минута, а исклучени беа Ровела и Гиго.
Најубедлив беше Бодо/Глимт кој славеше со 3-0 против Олимпијакос. Каспер Хог беше двоен стрелец, а Цолакис си постигна автогол.
