Романската Влада донесе одлука да им помогне на спортистите што се најпогодени со кризата со Коронавирусот и тие ќе добиваат по 800 евра сè до моментот додека не почнат да се натпреваруваат.
Ова важи само за спортистите што имаат плата до илјада евра, а во моментот немаат приходи поради прекин на натпреварувањата.
Границата што е одредена е 5.500 леи, или малку повеќе од илјада евра, а помошта е 75 проценти што ја предвиде романската Влада, или секој ќе добие по 4.125 леи.
Мерката не се однесува на побогатите спортови, па на пример голем дел од фудбалерите од Првата романска лига нема да добијат помош. Тоа би се случило само ако некоја од екипите пријави дека нема да може да продолжи да се натпреварува, а засега нема најави за такво нешто.
