Каталонскиот гигант Барселона ги претстави дресовите за претстојната сезона, а во одличното промотивно видео се појави и легендарниот Роналдињо.
Роналдињо го претстави новиот дрес на Барселона, кој е произведен од американскиот бренд „Најки“ и кој неодоливо потсетува на дресот на Барса од сезоната 2006/07. Најголемата разлика е што грбот се наоѓа во средината наместо на левата страна од дресот, како што е вообичаено.
Barça’s new kit for the 24/25 season.
Inspired by the Club’s legacy, trajectory, and roots. pic.twitter.com/fqy7UhZMH2— FC Barcelona (@FCBarcelona) July 18, 2024
Исто така, дресот не е со вертикални ленти како што сме навикнати да гледаме од Барселона, туку левата страна е во сина боја, а десната во црвена. Во истите бои се и ракавите.
Под грбот се наоѓа и логото на најголемиот спонзор „Спотифај“, а првите импресии на навивачите се одлични. Тие не го кријат воодушевувањето од изгледот на дресот.
„Инспириран од наследството, патеката и корените на клубот“, порачаа од Барселона опишувајќи го дресот.
Lights, camera… ! pic.twitter.com/0TqUyZS33Q
— FC Barcelona (@FCBarcelona) July 18, 2024
