Легендарниот бразилски фудбалер Роналдињо вели дека неговиот поранешен соиграч Лионел Меси заслужено ја освоил наградата The Best, која ја доделува ФИФА за најдобриот фудбалер во годината која поминува. Меси по третпат во кариерата го доби ова престижно признание откако беше изгласан за најдобар во 2023 година.
„Секогаш гледам да ги избегнам дебатите, но… Меси е еден од најдобрите на сите времиња. Според мене, тој сѐ уште е најдобриот фудбалер во светот“, јасно кажа Бразилецот.
Во изборот на ФИФА Меси заврши пред Ерлинг Халанд и Килијан Мбапе. За разлика од Меси, Кристијано Роналдо воопшто го немаше на оваа листа, ниту во тимот од најдобрите 11-мина играчи за 2023 година.
