Напаѓачот на Ал-Наср и португалската репрезентација, првиот стрелец во историјата на фудбалот, Кристијано Роналдо, даде свое мислење за работата на тренерот на Реал Мадрид, Карло Анчелоти.
„За време на на доделувањето на наградите Глоуб Сокер, некои пријатели ме прашаа што значи да се биде добар тренер. Мислам дека има голем број фактори од кои зависи тоа. За мене главната работа е како се работи со играчите и односот кон нив. А, Карло според мене е еден од оние кои знаат да соработуваат со играчите. Тој беше и останува клучот за успехот на Реал Мадрид. Не случајно клубот освои толку многу трофеи во последните години. За ова е потребно нешто необично и посебно, а тоа го има и Карло. Тој не е само добра личност, туку и одличен тренер, и тоа е многу важно“, изјави Роналдо, кој рече дека не сака да работи како тренер кога ќе ја заврши играчката кариера.
Своевремено, Анчелоти за Кристијано има изјавено: „Во светот има еден поопасен напаѓач од Кристијано Роналдо. Тоа е Кристијано Роналдо ако не дал гол на претходниот натпревар“.
