Екипата на Ал-Наср без многу проблеми славеше на гостувањето кај Бураидах во дуел од шестото коло на првенството на Саудиска Арабија, а Кристијано Роналдо повторно беше во центарот на вниманието.
Во последните моменти од првото полувреме, Садио Мане погоди за 1:0 за Ал-Наср, а потоа домаќините останаа и со фудбалер помалку. Во вториот дел, Ал-Наср дополнително ја искористи бројчаната предност, па Талиска погоди за 2:0 во 49 минута, а потоа прекрасен погодок постигна и Роналдо за 3:0. Голот на Роналдо може да го погледнете ТУКА.
За Роналдо ова е седми погодок сезонава во првенството на Саудиска Арабија и моментално е најдобар стрелец во шампионатот. Со оваа победа, Ал-Наср сега дојде на четири бода зад лидерот Ал-Хилал.
