Селекторот на Португалија, Фернандо Сантош, го објави списокот со 25-мина репрезентативци за бараж-дуелот за Мундијалот во Катар против Турција, во Порто, на 24 март, а тој е интересен и за нас.
Македонија би можела да игра против Португалците во завршниот бараж-меч на 29 март на „Драгао“, но само ако ја победи Италија во Палермо на 24 март.
Сантош повика тројца голмани и 22-ца играчи, а тука се сите ѕвезди на Португалија, предводени од Кристијано Роналдо.
Во нападот е и Жоао Феликс, кој игра во топ-форма, потоа и Диого Жота, Гуедеш, Силва и Леао.
Со средниот ред ќе командува Бруно Фернандеш, а во одбраната сè уште е главен Пепе.
Португалија има одличен состав, а Сантош изненади со изборот на голманите бидејќи го нема Жозе Са, кој брани за Вулверхемптон во Премиер лигата.
На списокот го нема и Витор Мачадо Фереира, или попознат само како Витиња, кој игра за Порто и е најдобар фудбалер во португалската лига.
https://twitter.com/selecaoportugal/status/1504435403146895366?s=20&t=WcbV1UQXHjYZ_aAFSVPouQ
