Тренерот на Манчестер јунајтед, Ерик тен Хаг, воопшто не се шегуваше кога изјави дека Кристијано Роналдо е суспендиран од првиот тим поради потегот што го направи на дуелот против Тотенхем. Португалскиот ас одби да влезе во игра во 90-тата минута и самоиницијативно си замина од теренот кон соблекувалните.
Поради овој негов потег и непочитување на тренерските одлуки, Роналдо денеска кога пристигнал во тренинг-центарот, немал дозвола да тренира заедно со останатите фудбалери од првиот тим. Најголемата ѕвезда во екипата е прекомандувана во Б тимот на Манчестер јунајтед, па Роналдо мораше да тренира заедно со играчите кои најчесто се до 21 година, односно младинскиот тим.
Тоа што е сигурно е дека Роналдо нема да биде ниту дел од екипата која викендов ќе гостува во Лондон на Челзи, во дербито од Премиер лигата.
Omitted from the Manchester United squad for their game against Chelsea this weekend, Cristiano Ronaldo is now training with the U21’s ❌ pic.twitter.com/HygonhEuVA
— Oh My Goal (@OhMyGoalUS) October 21, 2022
