Славниот бразилски фудбалер Роналдо Назарио го предупреди тимот на Пари Сен Жермен дека тоа што составиле ѕвездена екипа, не значи автоматски дека ќе ја освојат Лигата на шампионите. Роналдо, кој е еден од најдобрите фудбалери и напаѓачи во историјата, никогаш не ја освои ЛШ, иако играше за големи клубови, а во Реал соиграчи му беа Роберто Карлос, Зидан, Фиго, Бекам, Раул.
„Рано е да се каже кој ќе ја освои Лигата на шампионите. Дури во четвртфиналето почнува да се избиструва сликата. ПСЖ е на пол-позиција, но ова е фудбал, не е математика. Многу фактори одлучуваат на терен, не е доволно само да го имате најдобриот тим. Јас играв за Реал Мадрид речиси пет сезони во тимот наречен Галактикос со сите тие ѕвезди, а никогаш не ја освоив Лигата на шампионите“, изјави Роналдо Назаиро, кој вели дека Мбапе го потсетува на него.