Селекторот на фудбалската репрезентација на Португалија, Роберто Мартинес, го објави поширокиот список на фудбалери за претстојното ЕП, кое ќе се игра во Германија и, очекувано, најголема ѕвезда е Кристијано Роналдо.
Португалците, кои во квалификациите освоија максимални 30 бода, најверојатно за последен пат ќе бидат предводени од 39-годишниот Роналдо. Нападот ќе биде најголем адут на Португалците бидејќи покрај Роналдо, тука се и Рафаел Леао, Диого Жота, Жоао Феликс, Гонзало Рамос, Педро Нето.
Ако Роналдо е адутот на Мартинес во нападот, тогаш со одбраната ќе командува уште еден ветеран, 41-годишниот Пепе.
Португалија на ЕП во Германија ќе игра во групата Ф заедно со селекциите Турција, Чешка и Грузија. Првиот натпревар ќе го игра на 18 јуни против Чешка.
Поширок список на фудбалери:
Голмани: Диого Коста, Хозе Са, Руи Патрисио.
Одбрана: Антонио Силва, Данило Переора, Диого Дало, Инасио, Жоао Кансело, Нелсон Семедо, Нуњо Мендес, Пепе, Рубен Дијас.
Среден ред: Бруно Фернандес, Жоао Невес, Палиња, Отавио, Рубен Невес, Витиња, Бернардо Силва.
Напад: Кристијано Роналдо, Диого Жота, Консеисао, Гонзало Рамос, Жоао Феликс, Педро Нето, Рафаел Леао.
