Кристијано Роналдо се соочува со неочекуван проблем кој нема врска со фудбалот. Според пишувањата на британските медиуми, на Роналдо му е наложено да сруши нелегално изграден терен на една од своите луксузни вили во Португалија.
Шефот на локалната општина, Мануел Тибо, потврдил дека Кристијано се согласил да ангажира булдожер и да го сруши тенискиот терен за кој се докажало дека е бесправно изграден и е прогласен за илегален објект.
„Роналдо ни испрати проект за одобрување и заврши со градењето на куќата откако дополнително доби дозвола. Сепак, утврдено е дека тој градел и надвор од дозволеното подрачје, а тоа е противзаконски“, објаснил Тибо.
Cristiano Ronaldo ordered to tear down ‘illegal’ tennis court and extension built on Man Utd star’s luxury £2.3m mansion https://t.co/GHHKMsMTOs
— The Sun – Man Utd (@SunManUtd) October 26, 2021
Вилата на Роналдо е вредна 2,3 милиони фунти и се наоѓа во близина на градот Герес на северот од Португалија. Најдобриот португалски фудбалер веќе прифатил сам да го сруши незаконски изградениот дел и за тоа има рок до март следната година.
