Рома останува во трка за четвртото место кое води во Лигата на шампионите за следната сезона откако со 2:0 го победи Јувентус, во дербито на 36-тото коло од Серија А. Погодоците вредни три бода за Римската волчица ги постигнаа Алесандро Флоренци и Един Џеко.
Флоренци погоди за 1:0 во 78-мата минута, одлично влезе во противничкиот шеснаесетник и по асистенција на Џеко, донесе радост на „Олимпико“ во 78-мата минута. Во последната минута од мечот победата со нов погодок ја потврди босанскиот репрезентативец.
https://twitter.com/FootballNerd5/status/1127669732956491776
Интересно е што само 20-тина минути пред да биде постигнат голот за водство од 1:0, токму Флоренци беше во расправија со првата ѕвезда на Јувентус, Кристијано Роналдо. По вербалната расправија и неколкуте разменети зборови, Роналдо на крајот со гестикулација му покажа на Флоренци дека е многу низок и дека многу зборува, а не треба да се расправа со него.
Cristiano Ronaldo. Epic. #juventus #asroma #serieA Source for the video: Digisport pic.twitter.com/JQVJ71kujw
— Emanuel Roşu (@Emishor) May 12, 2019
Сепак, дека Флоренци има фудбалски квалитети, покажа со погодокот за победа на Рома. Со овие три бода, Римската волчица стигна до вкупно 62 бода, колку што има и Милан на петата позиција, додека Аталанта, која е трета, има 65 бодови.