Португалската фудбалска ѕвезда Кристијано Роналдо е премногу самобендисан за да прифати критика, а тоа го покажа и со примерот на својот поранешен соиграч од Реал Мадрид, Рафаел ван дер Варт, некогаш еден од најталентираните холандски фудбалери.
Роналдо го затекна Ван дер Варт во својата дебитантска сезона во кралскиот клуб 2009/10 пред тој да се пресели во Тотенхем.
На Ван дер Варт му беше доволна само една сезона за да го запознае менталитетот на Роналдо, па претходно објасни дека своевремено најдобриот фудбалер во светот нема да биде среќен кога неговиот тим ќе победи со 6-0, а тој нема да постигне гол.
Холанѓанецот го објасни ова како себичност на Роналдо, а таквиот коментар не му се допадна на сегашниот фудбалер на Ал-Наср.
„Кој е овој човек?“, беше коментарот што го остави Роналдо.
