Триумфот на Реал Мадрид во Лигата на шампионите минатата сезона е причината што Карло Анчелоти не е на чело на националниот тим на Бразил во моментот, смета Роналдо Назарио.
Бразилците вложиле многу напори за да го убедат италијанскиот стручњак да го преземе националниот тим на Кариоките, но тој сè уште е на „Сантијаго Бернабеу“. Бразилците најактивни во преговорите биле во 2023 година, иако Анчелоти изјавил дека претпочита да остане во Реал.
Неколку дена пред почетокот на 2024 година, Карло Анчелоти потпиша нов договор со Реал до летото 2026 година.
Роналдо потсети дека бил дел од тимот што водел преговори со Анчелоти.
„Имавме разговори, но сè се заглави откако Реал Мадрид одби да го пушти. Тој ја освои Лигата на шампионите. Ако не ја донесеше титулата, Реал сигурно ќе го отпуштеше. Тој го освои трофејот во ЛШ и така остана уште една година“, изјави Роналдо Назарио во еден од најпознатите поткасти во Шпанија.
Во моментов селектор на Бразил е Доривал Жуниор.
