Пред околу два месеца проструи информацијата дека Кристијано Роналдо е подготвен да го купи шпанскиот примералигаш Валенсија, а сега шпанскиот новинар Јулијан Редондо потврди дека има нешто конкретно.
Во својата колумна за „Мундо Депортиво“, новинарот пишува дека Роналдо ќе стане нов сопственик на Валенсија, но има еден услов, а тоа е клубот да го задрши прволигашкиот статус.
Валенсија моментално е на 15-тото место на табелата со 31 освоен бод, што е само четири повеќе од клубовите кои се во зоната за испаѓање. До крајот на првенството има уште девет кола.
Во следното коло Валенсија ќе гостува кај Реал Мадрид и малку е веројатно да се очекува дека Лилјаците таму може да се надеваат на освојување бодови. Член на Валенсија е и македонскиот репрезентативен голман Столе Димитриевски.
⚫️⚪️ ¿Está Cristiano Ronaldo interesado en comprar el Valencia?
✍️ @paulalerinm https://t.co/RW2y9CmSRw
— Mundo Deportivo (@mundodeportivo) April 3, 2025
Роналдо ги игра последните месеци од тригодишниот договор со Ал-Наср во Саудиска Арабија. Пред два месеца Роналдо наполни 40 години и сигурно дека веќе размислува за новото поглавје по завршување на играчката кариера.
