Ново разочарување за Кристијано Роналдо. Португалецот и неговиот Ал-Наср се елиминирани во Кинг купот на Саудиска Арабија, откако со 1:2 загубија од Ал-Итихад, во осминафиналето.
По оваа елиминација, Роналдо претрпе уште едно разочарување и уште е без ниту еден освоен трофеј во Саудиска Арабија, а ја игра четвртата сезона во овој тим.
Карим Бензема во 15 минута постигна гол за водство на Ал-Итихад, а Ангело израмни на 1:1 во 30 минута. Пред крајот на првото полувреме, Ал-Итихад постигна и втор погодок преку Ауар, кој на крајот се покажа како клучен за победа и пласман во четвртфиналето во Купот на Саудиска Арабија.
