Ѕвездата на Ал-Наср, Кристијано Роналдо, изјави дека саудиското првенство во кое настапува е подобро и поконкурентно од француската Лига 1.
„Да бидам искрен, мислам дека саудиското првенство не е ништо полошо од француската Лига 1. Мислам дека е поконкурентно. Можат да зборуваат што сакаат, ова е мое мислење, а јас тука играм една година и знам што зборувам“, изјави Роналдо за време на доделувањето на фудбалските награди „Глоуб сокер“ во Дубаи.
Саудиските екипи минатото лето направија вистински бум на фудбалскиот трансфер пазар ангажирајќи ѕвезди како Карим Бензема, Садио Мане, Нејмар, Ријад Марес, Сергеј Милинковиќ-Савиќ…
„Мислам дека сега саудиската лига е подобра од француската и продолжуваме да напредуваме“, изјави Роналдо.
