Кристијано Роналдо се врати во дресот на Португалија и веднаш блесна. Капитенот на Португалија немаше играно за националниот тим уште од Светското првенство во Русија, но сега повторно е во репрезентацијата.
Во полуфиналето од Лигата на нациите, Португалија има предност од 1:0 против Швајцарија, и тоа благодарение на погодокот на Роналдо од слободен удар. За Роналдо ова беше 86-ти погодок во 157 меча за Португалија.
Швајцарија имаше шанса да израмни, но ударот на Сеферовиќ заврши во пречката. Победникот од овој меч ќе игра во финалето против подобриот од средбата Англија – Холандија.
