Екипата на Ал Наср го претрпе првиот пораз сезонава во првенството на Саудиска Арабија и тоа на домашен терен. Тимот предводен од Кристијано Роналдо беше изненден и со 1:2 загуби од Ал Кадисија.
Поразот е уште поизненадувачки ако се знае дека Ал Наср прв даде гол и тоа благодарение на Роналдо. Португалецот беше прецизен откако најдобро се снајде во една мешаница пред голот на гостите. Погодокот на Роналдо може да го видите ТУКА.
Гостите не се предадоа и до полувремето израмнија на 1:1, а на почетокот од вториот дел, нивната најголема ѕвезда, Пјер Емерик Обамејанг погоди за комплетирање на пресвртот за 2:1, што на крајот се покажа и како конечен резултат.
Ал Наср остана на 22 бодови од 11 натпревари што е шест помалку од лидерот Ал-Хилал кој утре гостува кај Ал-Калеџ.
