Кристијано Роналдо ја имаше една од најлошите сезони во кариерата откако не се израдува на ниту еден трофеј со Манчестер јунајтед. Иако клубот имаше разочарувачки резултати, Роналдо верува во силата на Манчестер јунајтед и најавува дека следната сезона ќе биде подобро.
„Верувам дека Јунајтед ќе се врати таму каде што припаѓа. Како што реков и претходно, потребно е време, но и понатаму верувам во овој тим. Рекордите доаѓаат по природен пат. Јас не ги следам рекордите, тие ме следат мене. И понатаму имам мотивација за игра. Треба да продолжам напорно да тренирам. И понатаму ја имам истата страст за игра“, вели Роналдо.
Португалецот е восхитен од страста со која навиваат на „Олд Трафорд“ и како навивачите го бодрат својот омилен клуб.
„Навивачите на Јунајтед се неверојатни. Дури и кога губиме мечеви, тие остануваат со нас и ни даваат поддршка. Навивачите засекогаш ќе бидат во моето срце“, додаде Кристијано.
