Откако некогашната холандска фудбалска ѕвезда Рафаел ван дер Варт даде интервју во кое го критикуваше неговиот поранешен соиграч Кристијано Роналдо дека е премногу себичен и тагувал ако не даде гол во победа на Реал Мадрид, а бил задоволен и по пораз во меч на којшто дал гол, дојде и одговор од најдобриот стрелец во историјата на фудбалот.
„Кој е тој човек“?, праша Роналдо.
Кристијано добро знае кој е Ван дер Варт, како што знаеше и кој е Фабио Паим, за кого порано признал дека е подобар од него, но сепак реши на ист ваков начин да искоментира кога некој ќе каже нешто лошо за него.
Оваа реченица „Кој е овој човек“ често ја користи ирскиот борец Конор Мекрегор, кој му е пријател на Роналдо, па Португалецот повторно ја искористи за да понижи свој некогашен соиграч.