Кристијано Роналдо ја игра втората сезона во дресот на Јувентус со надеж дека ќе го оствари предизвикот да ја освои Лигата на шампионите со најтрофејниот тим во Италија. Во дебитантската година, Роналдо беше прогласен за МВП на Серија А и стана шампион со Јувентус.
Сепак, според пишувањата на шпанските медиуми, Роналдо не е среќен во Италија. Кристијано девет сезони блескаше во дресот на Реал Мадрид, период во кој освои и пет Златни топки, а четири пати беше европски првак со Кралевите.
Ако се верува на шпанскиот весник АБЦ, Роналдо на неколку свои поранешни соиграчи се пожалил дека згрешил што си заминал од Мадрид и дека верува ако останел во дресот на Реал, ќе ја освоел Златната топка и во 2018 и во 2019 година.
Сепак, Кристијано реши да направи трансфер во Јувентус, а таму и нема таква неверојатна статистика како во Реал. Сезонава во 17 меча, Португалецот има постигнато само осум голови.
