ЛА лејкерс го совлада тимот на Бостон селтикс со минимални 129:128 во дербито на вечерта во НБА-лигата. Гостите од Калифорнија дојдоа во „ТД Гарден“ да се надигруваат со една од водечките екипи од Истокот, а неизвесната средба ја реши токму поранешен играч на „келтите“, Реџон Рондо.
Бостон во последните шест минути влезе со +5 предност, но Леброн ја разбуди својата екипа со две врзани тројки. Успешната серија од линијата за три поени на „езерџиите“ ги одржуваше во игра до последните 13 секунди од мечот, иако домаќините го држеа резултатот. Гостите имаа напад за победа, а откако не се реализираше според планираното, Рондо ја собра топката во мешаницата и беше побрз од звукот на сирената за конечни 129:128 во корист на Лејкерс.
Одлична партија одигра и Џејмс, запиша трипл-дабл учинок од 28 поени, 12 скока и исто толку асистенции. Кузма со 25 поени беше втор најфикасен во составот на Лук Волтон. За Селтикси се истакнаа Ирвинг со 24 поени и осум асистенции и Тејтум со двоен учинок од 22 поени и 10 скока.
FOR THE #LAKESHOW WIN!! pic.twitter.com/18wt7rKGtF
— Los Angeles Lakers (@Lakers) February 8, 2019
https://www.youtube.com/watch?v=KBLFrC6-ZwU
Резултати НБА:
Бостон селтикс – ЛА лејкерс 128:129
Индијана пејсерс – ЛА клиперс 116:92
Орландо меџик – Минесота тимбервулвс 122:112
Атланта хокс – Торонто репторс 101:109
Оклахома сити тандер – Мемфис гризлис 117:95
Портланд трејлблејзерс – Сан Антонио спарс 127:118