Над 60 илјади луѓе на трибините на „Сан Сиро“ и кореографија со 50.000 картони ќе биде атмосферата на денешниот меч од 18 часот од Серија А, во кој Милан ќе го пречека Сасуоло. Иако не станува збор за некакво дерби, навивачите на Милан сакаат да му дадат голема поддршка на својот тим кој се бори за место во Лигата на шампионите.
Ако Милан го победи Сасуоло, ќе избие на третата позиција на табелата, и ќе го остави зад себе градскиот ривал Интер. Затоа интересот за мечот е голем, фановите сакаат да му помогнат на Милан да се најде пред Интер.
Очекувањата се дека ќе има повеќе од 60.000 присутни, што е невообичаено голема посета за ваков обичен меч против не толку атрактивен гостин. Веројатно ќе има публика и на третиот „прстен“, највисокиот дел од трибините.
