Мечот помеѓу Манчестер јунајтед и Борнмут сè уште е во центарот на вниманието на Островот, но сега од една друга перспектива. Тренерот на Црвените ѓаволи, Рубен Аморим, сака да ангажира дури двајца фудбалери од Борнмут, и тоа одеднаш.
Ситуацијата е несекојдневна, но британските медиуми го отценуваат овој потег како забрзана адаптација бидејќи двацата играле заедно и полесно ќе се прилагодат на новата средина.
Се работи за 22-годишниот фудбалер од средниот ред, Алекс Скот, како и за капитенот на репрезентацијата на САД, Тајлер Адамс.
Двајцата имаат договори до 2028 година. Вредноста на Скот се проценува на 30 милиони евра, додека на Адамс на 25 милиони евра.
