Фудбалерот на Локомотив Москва, Дмитри Баринов, одигра во стилот на хокеарите во финишот на мечот со Ростов, со вистински бодичек го патосира Матијас Норман на тревата и добро мина.
За ваков бодичек во НХЛ-лигата се добива исклучување, а репрезентативецот на Русија доби само жолт картон.
За среќа, Норман мина без повреда и веднаш стана на нозе, а единствено оправдување за Баринов, ако го има, е што сакаше да прекине контранапад на домаќините. Сепак, целата ситуација, која по малку е и комична, се случуваше во последните моменти од мечот, а Локоси веќе имаа недостижна предност од 3:1, резултат со кој ги освоија бодовите на гостувањето во Ростов.
Баринов е репрезентативец на Русија, па можеби и затоа доби мал попуст од судијата Вилков и не беше исклучен.
Стартот на 23-годишниот играч на Локомотив можете да го погледнете ОВДЕ.