Фудбалерите на Вардар победија на првиот контролен натпревар во пресрет на новата сезона во Првата фудбалска лига.
Вардарци на стадионот „Борис Трајковски“ во Маџари, со 3:0 го совладаа Тетекс. Головите за Црвено-црните ги постигнаа Николовски во првото полувреме, додека во вториот дел во листата на стрелци се запишаа Здравковски и Жоглев.
Тиквеш одигра 1:1 против Дубочица. Кавадарчани поведоа со голот на Станковски, додека српскиот тим израмни преку Ѓокиќ од пенал.
Брегалница со головите на Андонов и засилувањето од Јамајка, Андерсон со 2:1 славеше над Силекс.