Вкупно 36 екипи од цела Европа ја чекаат денешната ждрепка во Лига на шампиони за да ги дознаат противниците во групната фаза. Ова е втора сезона по ред УЕФА да организира најсилното натпреварување во нов формат.
Сите 36 екипи се во иста група, а секој тим ќе одигра по осум натпревари против осум различни противници, по два од секој состав, вклучувајќи го и својот.
Четири натпревари ќе се играат дома и четири на гости. Ниеден тим не може да игра против противник од земјата од која доаѓа, или со повеќе од два противници од истата земја.
Формирана е голема табела, а првите осум се квалификуваат директно во осминафиналето на Лигата на шампионите. Тимовите што ќе ги заземат позициите од 9-то до 24-то место одат во плејофот за осминафиналето на ова натпреварување, а 12-те последнопласирани екипи се збогуваат со европските натпреварувања.
ЗАРАБОТКА
Тимовите што се квалификуваа за групната фаза од Лигата на шампионите добија 18,62 милиони евра, а кога станува збор за пласман во групата, секое место добива 275 илјади евра.
Победа во групната фаза носи 2,1 милиони евра, додека секое нерешено ја полни касата на клубот со 750 илјади евра.
Доколку некој тим е меѓу првите осум во групата, ќе добие два милиони евра, додека тимовите што ќе завршат од 9-то до 16-то место ќе добијат еден милион евра.
Влегувањето во плејофот за осминафиналето носи еден милион евра, а пласманот во осминафиналето носи дополнителни 11 милиони евра.
Пласман во четвртфиналето носи 12,5 милиони евра, а пласман во полуфиналето носи 15 милиони евра.
Финалистите ќе добијат по 18,5 милиони евра, додека победникот ќе добие дополнителни 6,5 милиони евра. Финалето на Лигата на шампионите ќе се игра на 30 мај следната година на „Пушкаш Арената“ во Будимпешта.
ДАТУМИ НА НАТПРЕВАРУВАЊЕ
- коло – 16-18 септември
- коло – 30 септември и 1 октомври
- коло – 21 и 22 октомври
- коло – 4 и 5 ноември
- коло – 25 и 26 ноември
- коло – 9 и 10 декември
- коло – 20 и 21 јануари
- коло – 28 јануари
Плејоф натпревари 17 и 18, 24 и 25 февруари
16 и 11, 17 и 18 март
Четвртфиналиња 7 и 8, 14 и 15 април
Полуфиналиња 28 и 29 април и 5 и 6 мај
Финале 30 мај
