Белоруската тенисерка Арина Сабаленка обезбеди пласман во полуфиналето на Вимблдон откако во четвртфиналната пресметка со Американката Медисон Кис славеше во два сета. Сабаленка за 89 минути игра на теренот број 1 во Вимблдон славеше со 6:2,6:4.
Со триумфот, Сабаленка обезбеди пласман во полуфиналето и на третиот годинешен гренслем-турнир, на Отвореното првенство на Австралија ја освои титулата, а на Ролан Гарос загуби во полуфиналето. Таа стана првата тенисерка по Серена Вилијамс од 2016 година која играла во полуфиналето на првите три гренслем-турнири.
1 – Aryna Sabalenka is the first player to make the semi-finals of the Australian Open, French Open and Wimbledon in the same year since Serena Williams in 2016. Stunning. #Wimbledon | @WTA @WTA_insider pic.twitter.com/51QSsCkkhx
— OptaAce (@OptaAce) July 12, 2023
Во првиот сет, втората светска тенисерка направи два брејка, во првиот и во петтиот гем, и за 39 минути игра славеше со 6:2.
Во вториот сет, Американката беше прва која го зададе ударот, ѝ го одзеде сервисот на Сабаленка во шестиот гем и поведе со 2:4. Одговорот на Сабаленка дојде експресно, направи серија од 4:0 и го доби сетот со 6:4, што значеше пласман во полуфиналето.
Сабаленка во полуфиналето ќе игра со подобрата од дуелот Онс Жабер – Елена Рибакина.
