Ненадејното заминување на Карим Бензема од Саудиска Арабија на крајот на декември и неговото исклучување на профилите на социјалните мрежи, предизвика многу дилеми и шпекулации околу неговата иднина во клубот Ал Итихад со кој летоска потпиша богат договор.
Поранешниот француски репрезентативец Луј Саха, кој четири години играше за Манчестер јунајтед, смета дека за Карим најдобро би било да ја напушти С. Арабија и да се фокусира на можниот трансфер во Јунајтед.
„Бензема би го сменил нападот на Јунајтед, токму тој е тоа што им треба во моментов. Би постигнал многу голови, а и целиот тим би играл подобро. Засега тоа е само сон, но Карим е многу професионален“, вели Саха.
Има и шпекулации дека Лион би го вратил Бензема во своите редови.
