Ливерпул во саботата ја оствари 10-тата победа сезонава во Премиер лигата, со убедливи 3-0 го совладаа Ватфорд. Мохамед Салах беше еден од стрелците за новиот триумф на „црвените“, а тоа беше неговиот шести погодок против овој премиерлигаш.
Ниту една екипа во англискиот шампионат не страда повеќе од Вотфорд во дуел против Египќанецот. Минатата сезона, својот дебитантски погодок Салах го постигна токму против „стршлените“ во ремито од 3-3, додека во повратниот дуел на „Енфилд роуд“, Ливерпул триумфираше со 5-0, а четири гола беа дело на голгетерот на „црвените“.
Ниту оваа сезона не испушти да им ја затресе мрежата. Салах ја отвори средбата во 67-мата минута, а потоа Александре-Арнолд и Фирмино ги осигураа бодовите.
Салах е кошмар речиси за сите екипи во Премиер лигата, но очигледно Ватфорд му е омилена кога станува збор за погодоци.
