Палестинскиот фудбалер Сулејман Ал-Обеид почина во средата по воздушен напад на израелските сили во јужниот дел на појасот Газа, а УЕФА преку социјалните мрежи му оддаде почит на еден од најдобрите палестински фудбалери во историјата, познат како „Палетинскиот Пеле“.
„Се збогуваме со Сулејман Ал-Обеид, „палестинскиот Пеле“. Талент кој им даде огромна надеж на безброј деца, дури и во најтемните времиња“, објави УЕФА.
Во објавата не се споменуваше причината за неговата смрт, што го натера Египќанецот Мохамед Салах да побара повеќе детали од УЕФА:
„Можете ли да ни кажете како почина, каде и зошто?“, беше реакцијата на ѕвездата на Ливерпул, кој го критикуваше недостатокот на информации во објавата, и брзо предизвика илјадници реакции.
Ал-Обаид постигна повеќе од 100 голови, за селекцијата играше во квалификациите за СП 2014, загина на 41-годишна возраст, а беше татко на пет деца.
