Мо Салах по големата победа над Борнмут (4-0) заслужи да ја добие и наградата за најдобар играч на мечот. Египќанецот имаше голема улога за освојувањето на трите бода за „црвените“, постигна хет-трик, сепак, не сакаше да ја прими наградата.
Денешниот првенствен натпревар беше 500-ти во кариерата на Џејмс Милнер, па Салах одлучи да му ја врачи наградата токму на неговиот соиграч кој го прослави овој голем јубилеј. Милнер стана 13-от фудбалер кој стигна до бројката 500 настапи во Премиер лигата.
Што се однесува за Салах, тој уште еднаш покажа дека не е само одличен фудбалер, туку и .човек со големо срце.
„Не можам да ја примам наградата, Милнер денес го одигра 500-от меч. Можам само да му честитам за неверојатната кариера која ја има, само се надевам дека сезонава ќе освоиме трофеј заедно, а оваа награда нема да ја земам, Милнер ја заслужи“, ја заврши изјавата Салах.
