Египет е третата репрезентација која обезбеди место во полуфиналето на Африканскиот куп на нации, откако по многу борба и 120 минути игра, со 2:1 славеше над Мароко.
Првата ѕевзда не само во селекцијата на Египет, туку воопшто на турнирот, Мохамед Салах блесна во вистински момент и е најзаслужен што Фараоните се меѓу четирите најдобри селекции.
Мароко прв поведе и тоа со гол од пенал преку Софијан Буфал уште во седмата минута, а ова минимално водство го задржаа до крајот на првото полувреме. На почетокот на вториот дел, Египет израмни и тоа преку Салах во 53 минута, за 1:1.
https://twitter.com/i/status/1487822001616130055
До крајот на регуларните 90 минути немаше погодоци, па мораа да се играат продолженија.
Во 100 минута повторно блесок на Салах. Ѕвездата на Ливерпул направи одличен продор по страничкиот дел, перфектно уфрли во петерецот, а таму беше Трезеге, кој без проблем ја погоди празната мрежа за водство на Египет од 2:1.
https://twitter.com/i/status/1487836121346150403
Од вчера се знае дека место во полуфиналето имаат обебедено домаќинот Камерун и селекцијата на Буркина Фасо, додека последниот полуфиналист ќе биде познат по вечерашниот дуел меѓу Сенегал и Екваторијална Гвинеја.
