Фудбалската федерација на Египет објави дека Мохамед Салах ќе ги пропушти наредните два натпревари (со Зеленортски острови и евентуалното осминафинале) за репрезентацијата на Африканскиот куп на нации.
Од клубот на Салах, Ливерпул, планираат да испратат свој лекарски тим во Брегот на слонова коска и сами да ја проверат состојбата на напаѓачот.
Египетската ѕвезда се повреди на мечот со Гана, а тоа ги загрижи менаџерот Јирген Клоп и навивачите на тимот кој се бори за титула во англиската Премиер лига.
Ако Египет испадне, Салах порано ќе се врати во Англија, а ако физичката состојба му дозволи, тој би можел да заигра уште на средбата со Челзи на 31-ви јануари. Ако Египет стигне до четвртфиналето, тогаш Салах би можел да заигра за Фараоните на 2-ри или 3-ти февруари.
Египет има седум титули африкански првак, но последната ја освоија во 2010 година, една година пред Салах да заигра за националниот тим.
