Кога го има расположениот Мохамед Салах во своите редови, Ливерпул не треба да се грижи и за многуте отсутни играчи. Англискиот првак славеше на гостувањето кај Вест хем со 3:1, а сите четири погодоци беа постигнати во второто полувреме.
Отпорот на домаќините беше скршен во 57-мата минута, кога Салах го постигна првиот погодок, а египетскиот репрезентативец потоа погоди и во 68-мата минута за 2:0. Со овие два погодоци, Салах стигна до 20+ голови во сезоната. Во последните четири сезони на Салах му успева да даде 20+ голови, нешто што не му успеало на ниту еден фудбалер на Ливерпул уште од времето на Јан Раш. Легендарниот голгетер во периодот од 1981/82 до 1986/87 година дури шест сезони имаше 20+ погодоци во дресот на Ливерпул.
Вајналдум со погодок во 84-тата минута зголеми на 3:0 за Ливерпул, а Доусон даде само почесен погодок за Чеканите.
